- Sakamakon yajin aikin kwana ɗaya da kungiyoyin kwadago suka shiga a ranar Litinin, ana hasashen Najeriya ta yi asarar N149bn
- A ranar Litinin, ma'aikatan da ke aikin mai a kasar sun shiga yajin aiki tare da rufe dukkanin wuraren hako mai da sarrafa shi a fadin kasar
- Hakan ya jawo Najeriya ba ta iya samun damar hako ganga 1,281,478 na danyen mai da ta saba haka a kullum ba, wanda kudinsa ya kai N149bn
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Ana hasashen Najeriya ta yi asarar akalla Naira biliyan 148.8 na harajin mai a ranar Litinin sakamakon yajin aikin 'yan kwadago.
Najeriya ta yi asarar Naira biliyan 149
A cewar wani rahoton hukumar haƙo man fetur (NUPRC), Najeriya na samar da gangar danyen mai 1,281,478 a kowace rana.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A ranar Litinin din, an sayar da gangar mai na Brent a kan dala 78.27 yayin da bankin CBN ya ba da canjin dala 1 a kan N1,483.5, in ji rahoton The Punch.
Idan aka lissafa N1,483.5 sau adadin gangar mai da kasar ke fitar wa kullum wanda ma'aikatan hakar man ba su yi aiki ba a Litinin, za a ga yawan biliyoyin Naira da aka yi asara.
Kungiyoyin ma'aikatan mai sun shiga yajin aiki
Ma'aikatan mai karkashin kungiyar PENGASSAN da takwarorinsu na NUPENG da NGW sun rufe dukkanin injunan haƙo mai da ke a fadin kasar a yayin yajin aikin.
A ranar Lahadi, NLC ta umarci dukkanin mambobinta na kungiyar PENGASSAN da NUPENG da su rufe kafatanin wuraren hako mai a ranar Litinin in ji rahoton Channels.
Majiyoyi a fannin mai na kasar sun tabbatar da cewa ma'aikatan sun rufe wuraren hako mai a ranar Litinin, lamarin da ya jawo aikin mai ya tsaya.
'Yan kwadago sun janye yajin aiki
A wani labarin, mun ruwaito cewa kungiyoyin kwadagon Najeriya da suka hada da NLC da TUC sun dakatar da yajin aikin da suka tsiga a ranar Talata.
'Yan kwadagon sun shiga yajin aiki ne a ranar Litinin saboda nuna adawa da gazawar gwamnatin tarayya na amincewa da sabon mafi karancin albashi da kuma janye karin kudin wutar lantarki.
Asali: Legit.ng