• Wata mata 'yar Najeriya ta fashe da kuka saboda jinkirin da take fuskanta na samun haihuwa tun bayan da ta yi aure
• A cikin wani faifan bidiyo, an ganta rike da bulumboti, famfas da sauran kayayyakin jarirai da ta siya a yayin da take hawaye
• Masu amfani da shafukan sada zumunta da suka kalli bidiyon sun yi wa matar jaje tare da kuma yi mata addu'ar samun ciki

Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Wata matar aure ‘yar Najeriya ta ja hankalin ma'abota amfani da da shafukan yanar gizo bayan ta wallafa bidiyon halin da take ciki na rashin haihuwa.

A wani faifan bidiyo da ya karade soshiyal midiya, an ga matar tana zubar da hawaye tare da yin addu'ar ubangiji ya ba ta haihuwa.

Rashin haihuwa: Matar aure ta sharbi kuka

A cikin bidiyon da aka wallafa a kan shafin TikTok na @dailydoseblogger, an matar auren rike da wasu kayayyaki da aka yi wa jarirai ciki har da famfas, bulumboti da tufafi.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Ta yi amfani da kayan ne a yayin da take zubar da hawaye tana addu'a ga ubangiji bisa yakinin zai cika mata burin zuciyarta na samun ciki.

An tattaro cewa budurwar ta fuskanci hantara da wulakanci daga mutane kan jinkirin da ta samu na daukar ciki tun bayan aurenta.

'Yan Najeriya sun yi martani kan bidiyon

Masu amfani da soshiyal midiya da suka kalli bidiyon matar mai taɓa zuciya a kan TikTok sun shiga sashen sharhi sun yi martani kan bidiyon.

Yayin da wasu masu suka jajanta mata kan radadin da take ji, wasu kuma sun yi mata addu'ar Allah ya albarkace ta da samun ɗa.

@nk ya ce:

"Ubangiji ina rokonka ka albarkaci wannan baiwar taka da jarirai, ina da yakinin za ka amsa wannan addu'ar."

@Nanacouture&fabrics ta ce:

"Allah zai ji kukan ki kuma ya baki yaro ko yara masu albarka, kada ki damu, ki dogara ga Allah, shi ne mai yin komai."

@AbiolaSundayAdeoye ya ce:

"Ubangiji zai albarkace ta da 'ya'ya nagari. Ta haifi 'yan biyu da zasu share mata hawaye."

@Omo_Salami:

"Ina rokon mahaliccinmu ya azurta dukkanin mata da samun haihuwa. Lallai samun ciki albarka ce da ba za ka iya saya ba sai dai Ubangiji ya ba ka."

@JoyOmojirhe ta yi sharhi:

"Ki share hawayen ki domin maganar Ubangiji ce kan yin kuka da daddare amma farin ciki ya biyo baya da safe. Za ki hayayyafa da izinin Ubagiji."

Kalli bidiyon a kasa:

Ango ya kunyata amarya gaban jama'a

A wani labarin kuma, Legit Hausa ta ruwaito yadda wani ango yaki yarda ya sumbaci amaryarsa a wajen da ake gudanar da taron daurin aurensu.

Mahalarta taron sun cika da mamakin wannan hali na angon la'akari da cewa al'adar daurin aure ce ga mabiya addinin Kirista musamman tun da coci ne za a daura.

Asali: Legit.ng