Ana Tsaka da Jimamin Rasuwar Jaruma Fati Slow, Wani Daraktan Fina Finai Ya Rasu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Lagos - An sake shiga jimami a masana'antar shirya fina-finan Nollywood bayan rasuwar fitaccen darakta.
An sanar da mutuwar marigayi Reginald Ibere wanda ya kasance darakta kuma marubuci a jiya Litinin 27 ga watan Mayu.
Shahararren jarumin fina-finan Nollywood, Segun Arinze shi ya tabbatar da haka ga jaridar TheCable a jiya Litinin 27 ga watan Mayu.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sai dai Arinze bai bayyana ranar da fitaccen daraktan ya yi bankwana da duniya ba ko kuma cutar da ta yi ajalinsa.
Daga cikin fina-finan marigayin akwai Gateman’ da ‘Wicked Love’ da ‘Living with a Ghost', cewar rahoton Leadership.
Sauran sun hada da Commitment Shy’ da ‘The Devil da the Red Sea’ da ‘Tangled Web’ da ‘The Unwanted’ da ‘Biological Clock’.
Tuni aka fara tura sakon jaje musamman daga masana'antar fina-finan bayan samun labarin mutuwar marigayin tare da nuna alhini kan wannan babban rashi.
Tun farkon watan Janairun 2024, masana'antar ta rasa jarumai da dama wanda ya ta hankulan jarumai da suke zargin akwai wani abu a lamarin.
Daga cikinsu akwai Mista Ibu da Amaechi Muonagor da Junior Pope da Sisi Quadri da Ganiyu ‘Ogunjimi‘ Oyeyemi da sauransu.
A wani labarin, kun ji cewa Fitacciyar jarumar fina-finan Kannywood, Fati Slow Motion ta riga mu gidan gaskiya.
An sanar da rasuwar tsohuwar jarumar ce a jiya Litinin 27 ga watan Mayu a kusa da kasar Sudan inda aka ce a can za a yi sallar jana'izarta.
Asali: Legit.ng