An Jero Manyan Nasarori 7 da Tinubu Ya Samu a Kwana 365 Bayan Ya Canji Buhari
Abuja - Gwamnatin Bola Tinubu ta shekara guda a ofis bayan karbar ragamar mulki daga hannun Muhammadu Buhari a 2023.
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.
A rahoton nan, Legit Hausa ta tattaro wasu daga cikin nasarorin da gwamnatin ta samu a bangarori bayan watanni 12 a ofis.
Mai taimakawa shugaban kasa wajen yada labarai, Tunde Rahman ya yi wani rubutu a Daily Trust da ya kawo wasu nasarorin.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Hukumar NBS mai tattara alkaluma ta kasa ta rahoto cewa tattalin arzikin Najeriya ya motsa da 2.98% a cikin farkon shekarar nan.
A irin wannan lokaci a shekarar bara, tattalin arzikin kasar ya motsa ne da kashi 2.31%.
A halin yanzu, ana hako ganguna akalla miliyan 1.7 na danyen mai, hakan ya nuna an samu cigaba wajen samun kudin shiga a yau.
Hadimin shugaban kasar ya tunawa jama’a yadda aka samu ‘yan kasuwa daga kasashen waje sun zuba jarin $30bn a wannan shekarar.
Shugaba Bola Tinubu ya nuna ba zai kyale duk ministan da bai yi aiki ba, tsaya masu a wuya ya zaburar da masu rike da mukamai a FEC.
Bayan nada Nyesom Wike a matsayin ministan harkokin birnin tarayya, an ga ayyuka musamman bayan cire Abuja daga asusun TSA.
Duk da har yanzu ana kukan rashin wuta, an kawo doka sannan za a biya bashin da zai sa wuta ta wadaci wadanda ba su rukunin Band A.
7. Sha’anin jirgin sama
A yau an yi nasarar sasantawa da kamfanin Emirates sannan jirgin Air Peace zai fara zuwa Landan bayan gyare-gyare da aka yi a filin jirage.
Ana da labari cewa Bola Tinubu ya yi kokarin yiwa Nijar barazana saboda juyin mulki amma a karshe ya ji kunya a idon kasashen duniya.
A lokacin da Marigayi Abba Kyari yana Aso Villa, da wahala a samu bayanai ko takardun sirri sun fito, akasin abin da yake faruwa a yanzu.
Asali: Legit.ng