Wani na son tayar da abin fashewa a ofishin jakadancin Iran
'Yan sandan Faransa sun killace ofishin jakadancin Iran da ke birnin Paris, bayan da wani mutum ya yi ikirarin tayar da wani abin fashewa da ke jikinsa a ciki.
Gidan Rediyon Faransa Europe 1, ya wallafa a shafinsa na X cewa jami'an tsaron sun yi wa harabar ofishin jakadancin kawanya yanzu haka, sannan sun umarci jama'a su kaucewa wurin baki-daya.