Sakataren harkokin wajen Amurka Antony Blinken ya shaida wa Ukraine cewa taimakon makaman Amurka na kan hanya domin tunkarar kalubalen Rasha.

Babban jami'in diflomasiyar na Amurka wanda ya kai ziyarar ba zata zuwa Kiev ya shaida wa shugaban Ukraine Volodymyr Zelensky cewa Amurka na sane da mawuyacin halin da ake ciki amma tallafin makamanta na tafe kuma za su kawo sauyi a yakin da ta ke fafatawa da Rasha.

Sai dai kuma a ci gaba da farmakin da ta ke yi a arewa maso gabashin Ukraine, Rasha ta kame wurare da dama ciki har da wasu kauyuka bakwai a cewar manazarta.