Back to the last page

Niger: Soji Sun Ragargaza ‘Yan Bindiga Mukarraban Alhaji Leyi, Sun Ceto Mutum 5

legit.ng 17 hours ago
  • Jami’an tsaron hadin guiwa a jihar Niger sun yi nasarar halaka ‘yan bindiga 20 tare da ceto wasu mutum biyar da aka yi garkuwa dasu
  • Jami’an tsaron sun kai samame ne kauyen Gaskiya Bana wanda ke da iyaka da jihohin Niger da Kaduna a karamar hukumar Munya ta jihar
  • Kwamishinan tsaron cikin gida na jihar yace mutum 5 din da aka ceto duk ‘yan asalin kauyen Chukun ne dake Kaduna kuma watansu 1 hannun ‘yan bindiga

Niger - Jami’an rundunar hadin guiwa ta tsaro sun halaka ‘yan bindiga 20 tare da ceto wasu mutum 5 da aka yi garkuwa dasu yayin samamen da suka kai Gaskiya Bana, kauye mai iyaka da jihohin Niger da Kaduna a karamar hukumar Munya ta jihar Niger, jaridar The Nation ta rahoto.

Kara karanta wannan

Zamfara: ‘Yan Sanda Sun Ceto Mutum 15, Sun Kama ‘Yan Bindiga 7

Dakarun soji
Niger: Soji Sun Ragargaza ‘Yan Bindiga Mukarraban Alhaji Leyi, Sun Ceto Mutum 5. Hoto daga thenationonlineng.net Asali: UGC

Wadanda aka yi garkuwa dasu din an gano sun kwashe wata daya a hannun ‘yan bindigan.

‘Yan bindigan an gano suna aiki ne da rikakken shugaban masu garkuwa da mutane, Alhaji Leyi, wanda ya kafa dabarsa kuma yake barna a Gaskiya Bana dake karamar hukumar Munya.

Aiki da dakarun suka yi ya kwashe sa’o’i biyar.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Kwamishinan tsaron cikin gida da walwala, Emmanuel Umar ya tabbatar da faruwar lamarin.

Yace jami’an sun kutsa maboyar ‘yan bindigan wadanda suka arce tare da barin wadanda suka sace da kuma kudadensu.

Kamar yadda Umar yace, jami’an sun ci karo da wani harin kwantan bauna da ‘yan ta’addan suka kai musu a Unguwan Aboki amma suka dakile shi tare da halaka wasu ‘yan ta’addan kuma suka saka su dole suka ja da baya.

Kwamishinan ya bayyana sunayen wadanda aka ceto da: Yakubu Abuba, Susan Sunday, Patience Sunday, Lazarus John da Bulus Yahaya inda ya nada da cewa duk wadanda aka sace din daga kauyen Chukun suke na jihar Kaduna.

Kara karanta wannan

Nwankwo ya Shiga Hannun ‘Yan Sanda Bayan Shekaru 7 Ana Bibiyarsa Kan Zargin Garkuwa da Mutane

“Dukkan wadanda aka sace an yi musu bayani tare da sake sada su da iyalansu bayan an duba lafiyarsu.”

- Yace.

Ya yabawa kokarin hukumomin tsaro da sauran masu ruwa da tsaki wurin murkushe lamurran ta’addanci a jihar.

Sun kara da ceto wasu mutum 15 daga sansanonin ‘yan bindiga a jihar.

Asali: Legit.ng

Back to the last page