Kano Pillars ta fara Premier ta bana da kafar dama a Katsina
Kano Pillars ta yi nasarar doke Ikorodu United 3-0 ranar Lahadi a wasan makon farko da fara gasar Premier ta Najeriya ta 2024/25.
Pillars ta buga wasan ne a jihar Katsina, bayan da ake gyaran filin wasanta na Sani Abacha da ke kofar Mata a Kano, Najeriya.
Pillars ta ci ƙwallayen ta hannun Mustapha Umar da Rabiu Ali da ya zura biyu a raga, mai shekara 43 yana buga kaka ta 18 a babbar gasar tamaula ta Najeriya.
Da wannan sakamakon Pillars, wadda ake kira sai masu gida tana ta ɗaya a kan teburi da maki uku, sai Sunshine Stars ta biyu da maki uku.
Enyimba ce ta uku da maki uku, sauran da suke da maki uku a karawar makon farkon sun haɗa da Remo Stars da Niger Tornadoes da Plateau United.
Wannan kakar ce ake kokarin ɗora jadawalin wasannin Premier na Najeriya, domin a kammala gasar lokaci ɗaya da na sauran kasashen duniya.
Hakan zai bai wa ƙungiyoyin damar shirin shiga gasar zakarun Turai da sauran manyan wasanni a kan kari da samun hutun ƴan kwallo iri ɗaya da na sauran gasar duniya.
Sakamakon wasannin makon farko
Ranar Lahadi 8 ga watan Satumba
Za a buga wasa ɗaya ranar Litinin tsakanin Lobi Stars da Akwa United
Ranar Asabar 31 ga watan Agusta
Wannan labari ne na dauke da bayanai da Twitter suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta Twitter da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a Twitter