Adadin Sabbin Kamfanonin Kimiyya Da Fasaha Masu Saurin Ci Gaba A Kasar Sin Ya Kai 369

Jimilar sabbin kamfanonin kimiyya da fasaha masu saurin ci gaba a kasar Sin, wadanda jarinsu ya zarce dalar Amurka biliyan 1, ta kai 369.

A cewar wani rahoto da aka fitar jiya Lahadi a Beijing, yayin taron dandalin tattauna batutuwan kimiyya da fasaha na Zhongguancun na shekarar 2024, adadin wadannan kamfanoni a kasar Sin, shi ne ya dauki kashi 1 bisa kashi 4n jimilarsu a fadin duniya.

Masana sun bayyana cewa, a shekarun baya-bayan nan, karfin kasar Sin a bangaren kirkire-kirkiren kimiyya da fasaha na ci gaba da karuwa. Kuma kasar ta karfafawa adadi mai yawa na sabbin kamfanonin kimiyya da fasaha, wadanda ke samar da karin kuzari ga manufar raya sabon karfin samar da hajoji da hidimomi.

Yanzu haka, kamfanonin 369 dake kasar Sin sun shafi bangarori 16, inda na kirkirarriyar basira wato AI da bangaren samar da kananan na’urorin laturoni na Chip ke kan gaba.

Ta fuskar wuraren da suke da mazauni kuwa, akwai wadannan kamfanoni a birane 47 dake fadin kasar Sin, inda sama da kaso 60 suke biranen Beijing da Shanghai da Guangzhou da Hangzhou. (Fa’iza Mustapha)

Firaministan Sin: Tarihin Canton Fair Ya Nuna Yadda Kasar Sin Ke Kokarin Fadada Bude Kofarta Ga Kasashen Waje

Sin: Karbuwar Hajojin Sin Masu Nasaba Da Sabbin Makamashi Ba Shi Da Nasaba Da Samar Da Tallafi

An Wallafa Makalar Xi Jinping Mai Take “Zurfafa Kwaskwarima A Gida Da Bude Kofa Ga Waje Da Inganta Aikin Zamanintarwa Irin Na Kasar Sin”

Xi Ya Yi Kira Ga Chongqing Da Ya Rubuta Nasa Tarihi Cikin Aikin Zamanantar Da Kasar Sin

Kasar Sin Za Ta Ci Gaba Da Bude Kofarta Ga Kamfanonin Kasashen Waje

Bangaren Kera Motoci Masu Amfani Da Lantarki Na Kasar Sin Ya Yi Kira Ga EU Da Ya Gudanar Da Bincike Bisa Adalci

Sin Na Cikin Kasashe Mafiya Tsaro A Duniya