Real Madrid za ta fara La Liga 2024/25 da zuwa gidan Mallorca
Asalin hoton, Getty Images
Real Madrid za ta fara gasar La Liga ta 2024-25 da kai ziyara gidan Real Mallorca a karshen makon 17 ko kuma 18 ga watan Agusta.
Kamar yadda mahukuntan babbar gasar tamaula ta Sifaniya suka fitar da jadawalin kakar da za a fara cikin watan Agusta, bayan da Real Madrid ke rike da kofin bara.
Kungiyar da Carlo Ancelotti ke jan ragama za ta karkare karawar karshe a Santiago Bernabeu da Real Sociedad a karshen makon 24 ko 25 ga watan Mayun 2025.
Za a fara yin wasan hamayya na El Clasico tsakanin Real Madrid da Barcelona a Santiago Bernabeu a mako na 11 ranar 26 ko 27 ga watan Oktoba.
Wasa na biyu kuwa za a yi ne tsakanin 10 ko kuma 11 ga watan Mayun 2025 a Barcelona karawar mako na 35.
Haka kuma Real za ta buga fafatawar hamayya ta birnin Madrid da Atletico a mako na takwas ranar 28 ko kuma 29 ga watan Satumba.
Filin Santiago Bernabeu zai karbi bakuncin wasa na biyu na hamayya na birnin Madrid da Atletico a mako na 23 ranar 8 ko kuma 9 ga watan Fabrairun 2025.
Real Madrid ce ta lashe La Liga da aka kammala na 2024/25 kuma na 36 jimilla, sannan ta dauki Champions League na 15 jimilla.
Jadawalin wasannin makon farko