Tawagar Ƙasar Sifaniya ta samu nasarar lashe kofin Nahiyyar Turai na 2024 da aka kammala a kasar Jamus a ranar Lahadi.

Tawagar ta samu wannan nasarar ne bayan doke ƙasar Ingila a wasan ƙarshe da ci 2-1.

Da wannan nasarar Sifaniya ta zama ƙasa ta farko da ta fara lashe gasar cin kofin nahiyar Turai karo hudu a tarihi

Nico Williams da Mikel Oyarzabal ne suka zurawa Sifaniya kwallayen, ɗan wasan Ingila Cole Palmer ne ya samu nasarar warware ma ta kwallon ɗaya a lokaci ana ci ɗaya da nema.

Da wannan sakamakon Sifaniya ta lashe Euro 2024, kuma na huɗu jimilla, ita ce ke kan gaba a yawan ɗaukar kofin nahiyar Turai a tarihi.

Sifaniya ta fara lashe kofin nahiyar Turai a 1964 da 2008 da 2012 da kuma yanzu a 2024 a Jamus.

Wannan dai shi ne karo na biyu a jere da Ingila ta kai wasan karshe a Euro, bayan da Italiya ta doke ta a wasan karshe na Euro 2020 a bugun fenariti a Wembley.

Haka kuma karon farko da Ingila ta yi wasan karshe a babbar gasa ba a gida ba, wadda take da kofin duniya a 1966, sai dai ba ta taɓa lashe Euro ba.