Jam’iyyar APC mai mulki ta lashe dukkan zabukan shugabannin kananan hukumomi 11 da na kansiloli 114 da aka gudanar a jihar Gombe ranar Asabar.

Shugaban Hukumar Zabe Mai Zaman Kanta ta Jihar Gombe, Malam Sa’idu Awak wanda ya bayyana sakamakon zaben a Gombe, ya ce daga cikin jam’iyyu 19 da aka yi wa rajista a jihar, jam’iyyu biyar ne suka tsayar da ƴan takara a zaɓen.

Da yake jawabi kan sakamakon zaben shugaban jam’iyyar Accord Party a jihar Gombe, Mohammed Garba ya ce jam’iyyarsu ta shiga zaben ne domin tabbatar da kasancewarta a jihar.

Ya yi wa wadanda suka ci zabe fatan alheri