Henry Na Gab Da Zamowa Sabon Kocin Tawagar Kwallon Kafa Ta Kasar Wales

Tsohon ɗan wasan Arsenal da Faransa Thierry Henry na ɗaya daga cikin sunayen da ake tunanin zai maye gurbin Rob Page a matsayin kocin tawagar ƙwallon kafa ta ƙasar Wales.

Henry, wanda ya jagoranci Monaco da Montreal Impact, shi ne ke jagorantar tawagar ‘yan ƙasa da shekara 21 na ƙasar Faransa kuma yana shirin jagorantar tawagar masu masaukin baki a gasar Olympics da za a yi a birnin Paris a wata mai zuwa.

Tsohon ɗan wasan mai shekaru 46 yana da alaƙa da Wales, bayan da ya yi karatu a hukumar kwallon ƙafa ta Wales (FAW), hukumar ta FAW ta kori Page a ranar Juma’ar da ta gabata bayan shafe shekaru uku da rabi yana jan ragamar kungiyar sakamakon gazawar Wales wajen samun tikitin shiga gasar Euro 2024.

Hukumar ba za ta ɓata lokaci wajen naɗa wanda zai gaji Page ba, inda take fatan ganin tayi hakan kafin wasan da za ta buga a gida da Turkiyya a watan Satumba.

OLYMPICS2024: Faransa da Sipaniya Za su Kece Raini a Wasan kwallon kafa ta Ƙarshe

Kungiyar Kasar Sin Ta Lashe Lambar Zinare A Gasar Kwallon Tebur Ta Kungiyoyin Mata A Gasar Olympics Ta Paris

Tsohon Shugaban Hukumar Kwallon Kafa na Afirka, Issa Hayatou Ya Rasu Ya na da Shekaru 77

An yi Rashi a Duniyar Kwallon Kafa, Tsohon Shugaban Hukumar CAF, Issa Hayatou Ya Rasu

Wa Zai Lashe Ballon d’Or Na Bana?

OLYMPICS2024: Yadda Tawagar Najeriya ta Kammala Gasar Olympics Hannu-rabbana

Tawagar Sin Ta Samu Lambar Zinari Ta Farko A Gasar Wasannin Olympics Ta Paris