UNICEF ta tallafa wa Jigawa da katan 12,400 na abinci mai gina jiki, domin raba wa ƙananan yara masu fama da rashin abinci mai gina jiki

Gwamnatin Jihar Jigawa ta karɓi tallafin katan 12,400 na Haɗɗaɗɗen Abincin Yara Mai Gina Jiki (RUTF), wanda za ta raba wa ƙananan yaran da ke fama da ƙarancin abinci mai gina jiki.

Tallafin na abincin ya kai na aƙalla Naira miliyan 500, wanda aka samar ƙarƙashin yarjejeniyar ‘Matching Fund’, tsakanin Gwamnatin Jihar Jigawa da kuma Gidauniyar Tallafin Inganta Lafiyar Ƙananan Yara ta UNICEF.

Daraktan Unicef a Najeriya, Christian Munduate, ta miƙa wa gwamnatin Jigawa kayan tallafin, domin fara rabawa.

Wannan ziyara da wakiltar UNICEF ta kai Jigawa ta kuma aza harsashen aikin farfaɗo da Cibiyoyin Kula da Lafiya 30 a yankuna 30 na faɗin cikin jihar.

Wannan shiri wani hoɓɓasa ne domin magance ƙalubalen matsalar abinci mai gina jiki ga ƙananan yara a jihar.

Matsalolin da ake son a shawo kan su, sun haɗa da a tabbatar samuwar abinci mai gina jiki ga ƙananan yara.

UNICEF ta ce a shirye ta ke fiye da kowane lokaci a yanzu wajen tabbatar da cewa ta yi duk wani abin da ya zama tilas wajen inganta lafiyar ƙananan yara.

Majalisar Ɗinkin Duniya ta ce akwai buƙatar hana miliyoyin yara kamuwa da cututtukan rashin abinci mai gina jiki a Arewa maso Gabas

Gwamnatin Jigawa ta raba takin zamani, maganin ƙwari da irin shuka ga manoma 26,000

Gwamnatin Jigawa ta raba wa marasa galihu buhuna 59,000 na shinkafa, masara da sauran kayan abinci

Gwamnan Gombe Ya Bayar Da Umurnin Raba Kayan Abinci Don Rage Raɗaɗin Kuncin Rayuwa

Zulum Ya Raba Wa Magidanta 10,000 Kayan Abinci A Mafa

Kaico: Ƴan Bindiga Sun Hallaka Basarake, Sun Yi Awon Gaba da Mata da Ƙananan Yara

Ambaliyar Ruwa Ta Yi Ajalin Mutane 30, Ta Raba Dubbai Da Gidajensu A Jigawa