An rantsar da sabuwar gwamnatin wucin gadin kasar Haiti karkashin sabon Firaminista Patrick Boisvert wanda ya kasance ministan kudi a gwamnatin da ta shude, ta tsohon Firaminista Ariel Henry wanda ya ajiye aiki a hukunmance abin da ya share hanyar kafa sabuwar gwamnati a wannan kasa mai fama da tashe-tashen hankula.

Sabuwar gwamnati ta kumshi wakilai daga jam'iyyun siyasa na kasar da kungiyoyin fararen hula gami da shugabannin addini.

Gwamnatin wucin gadin ta Haiti tana da jan aikin tabbatar da zaman lafiya da tsara zabuka a kasar, wadda ta yi kaurin suna na kungoyoyin 'yan daba.