- Shugaba Bola Tinubu ya nuna damuwa kan yadda matsalar tsaro ke kara ƙamari musamman a Arewa maso Yamma
- Tinubu ya danganta matsalar da rashin adalci da ake yi tun farko wanda ya farraka al'ummu a yankin dama Arewacin kasar gaba daya
- Shugaban ya bayyana haka ne yayin taron kwanaki biyu na gwamanonin Arewa maso Yamma kan matsalar tsaro
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Katsina - Shugaban kasa, Bola Tinubu ya bayyana babban dalilin ƙaruwar rashin tsaro a Arewacin Najeriya.
Tinubu ya ce rashin tsaro ya samo asali ne daga rashin adalci da ake yiwa wadanda abin ya shafa.
Arewa: Tinubu ya fadi musabbabin matsalar tsaro
Shugaban ya kuma zargi gwamnatocin baya da sakaci kan matsalar wanda gwamnatinsa ta gada, Punch ta tattaro.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mataimakin shugaban kasa, Kashim Shettima wanda ya wakilci Tinubu shi ya bayyana haka a taron gwamnonin Arewa maso Yamma kan matsalar tsaro.
"Matsalar rashin tsaro a Arewa maso Yamma ba abu ne da aka kirkira na yanki domin cimma wani buri ba."
"Mun samar da hanyoyin dakile wannan matsalar tsaro da muka gada tun kafin fara wannan tafiya."
"Mun gano cewa kawo karshen wannan matsala dole sai an koma baya saboda rashin adalci da ya farraka al'ummu da dama a yankin."
- Kashim Shettima
Muhimmacin Arewa maso Yamma ga Najeriya
Wakiliyar hukumar UNDP a Najeriya, Elsie Gyekyeua Atafauh ta bayyana muhimmacin Arewa wurin daga darajar kasar a Nahiyar Afirka.
Atafauh ta ce idan ana son Najierya ta ci gaba da rike kambunta na giwar Afirka dole sai ba Arewa maso Yamma kulawa na musamman.
Kashim ya magantu kan zargin tuge Sultan
Kun ji cewa mataimakin shugaban kasa, Kashim Shettima ya magantu kan zargin cire Sarkin Musulmi, Muhammad Sa'ad Abubakar daga sarauta.
Shettima ya yi gargadi inda ya ce Sultan ba iya Sarkin Sokoto ba ne kadai yana jagorantar al'ummar Musulmai ne gaba daya a Najeriya.
Hakan ya biyo bayan zargin kungiyar kare hakkin Musulmai ta MURIC na cewa gwamnan Sokoto na kokarin tube Sultan daga sarauta.
Asali: Legit.ng