- Kuɗin Najeriya sun kara daraja a kasuwar hada-hadar musayar kuɗu ta bayan fage ranar Talata, 28 ga watan Mayu, 2024
- Naira ta ƙara faraɗowa zuwa N1,500 kan kowace Dalar Amruka ɗaya daga N1,520 da aka yi hada-hada a ranar Litinin da ta gabata
- Haka nan kuma a kasuwar musaya ta gwamnati, Naira ta yi raga-raga da Dala inda ta tashi zuwa N1,339.33 daga N1,481.23
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
FCT Abuja - Darajar Naira ta ƙara tashi a kasuwar ƴan hada-hadar kuɗi ta bayan fage, inda ta dawo N1,500 kan kowace Dala ranar Talata, 28 ga watan Mayu.
Naira ta ƙasa fargaɗowa a jiya Talata daga N1,520 da aka yi musanyar kuɗin Najeeiya kan kowace Dalar Amurka ɗaya a ranar Litinin da ta gabata.
Har ila yau, ƙimar Naira ta ƙara tashi a kasuwar musayar kuɗi ta gwamnati, ta koma N1,339.33 kan kowace Dalar Amurka ɗaya, kamar yadda Vanguard ta rahoto.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Bayanai daga hukumar kula da cinikayyar kuɗi ta ƙasa FMDQ sun nuna cewa farashin Dala ya fadi zuwa N1,339.33 kan kowace dala daga N1,481.23.
Legit Haiusa ta fahimce cewa Naira ta farfaɗo da N143.9 lokaci ɗaya a kasuwar musayar kuɗi ta gwamnati a jiya Talata.
Sakamakon haka, tazarar da ke tsakanin farashin Dala a kasuwar gwamnati da farashin kasuwar ƴan canji ya karu zuwa N160.67 daga N43.77 a ranar Litinin.
Wannan na zuwa ne yayin da babban bankin Najeriya (CBN) ke ci gaba da ɗaukar matakai da nufin dawo da ƙimar kuɗin Najeriya.
CBN ya ɗauki matakai da dama ciki har da sayar wa ƴan canji dubban Daloli sa kuma soke lasisin wasu ƴan canji a Najeriya.
A baya-bayan nan babban bankin ya umarci dukkan ƴan kasuwar musayar kuɗi su sabunta lasisin da suke da shi.
CBN ya kori ɗaruruwan ma'aikata
A wani rahoton kuma CBN ya ƙara korar ma'aikata sama da 300 ciki har da daraktoci, mataimakan daraktoci, manyan manajoji da ƙananan ma'aikata.
Rahotanni sun nuna cewa daga ranar Alhamis zuwa Jumu'a, bankin ya raba gari da daraktoci 14 cikin 17 da suka rage waɗanda suka yi aiki da Emefiele.
Asali: Legit.ng