- Babban bankin Najeriya CBN ya kwace lasisin bankin Heritage Plc saboda ya karya sashe na 12 (1) na dokar BOFIA 2020
- Dokar BOFIA 2020 ta na kiyaye tsarin tafiyar da hada-hadar kudi a tsakanin bankuna da sauran cbiyoyin kuɗi na kasar
- A wata sanarwa da bankin CBN ya fitar a yau Litinin, ya ce bankin Heritage ya gaza inganta ayyukan sa na daidaiton kudi
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Babban bankin Najeriya CBN ya kwace lasisin bankin Heritage Plc, kuma bankin zai daina aiki ba tare da bata lokaci ba.
CBN ya ce ya dauki matakin domin kiyaye tsarin tafiyar da hada-hadar kudi kamar yadda aka ba da izini a ƙarƙashin sashe na 12 na dokar bankuna da sauran cbiyoyin kuɗi (BOFIA) 2020.
A wata sanarwa da bankin CBN ya fitar a shafinsa na X a yau Litinin, ya ce an yanke hukuncin ne bayan bankin Heritage ya karya sashe na 12 (1) na dokar BOFIA 2020.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
"Dalilin ƙwace lasisin bankin Heritage" - CBN
Sanarwar wadda ta fito daga hannun Misis Hakama Sidi Ali, mukaddashiyar daraktan sadarwa ta babban bankin, ta ce bankin na kokarin karya tsarin hada-hadar kudi.
A cewar sanarwar:
“Hukumar gudanarwar bankin Heritage da ma kwamitin amintattu sun gaza inganta ayyukan bankin na hada-hadar kudi, wanda ke ke zama barazana ga daidaiton kudin kasar.
Duk da matakan sa ido daban-daban da CBN ya dauka domin taimaka wa bankin ya farfado, bankin Heritage ya ci gaba da aiki ba tare da wata kyakkyawar makoma ba."
Heritage ya koma karkashin ikon NDIC
Haka zalika, CBN ya ce ya dauki wannan matakin ne domin karfafa kwarin gwiwar jama’a kan tsarin banki da kuma tabbatar da cewa ba a tauye tsarin hada-hadar kudi ba.
An nada hukumar inshorar ajiyar kudi (NDIC) a matsayin wadda bankin zai zauna a karkashinta bisa ga sashe na 12 (2) na dokar BOFIA, 2020.
Karanta sanarwar CBN a nan kasa:
'Yan sanda sun gargadi 'yan kwadago
A wani labarin, mun ruwaito rundunar 'yan sandan Najeriya ta gargadi kungiyoyin kwadago kan yajin aikin da suka tsunduma a fadin kasar a yau Litinin, 3 ga watan Mayun 2024.
Rundunar ta NFF wadda ta ce yajin aikin ya sabda ka'ida da dokar kasa, ta kuma yi kira ga kungiyoyin kwadagon da su koma teburin tattaunawa da gwamnatin tarayya.
Asali: Legit.ng