Wakilin Sin: Kasar Sin Ta Goyi Bayan Falasdinu Wajen Taka Rawar Gani A WHO

Zaunannen wakilin kasar Sin a ofishin Majalisar Dinkin Duniya dake Geneva da sauran kungiyoyin kasa da kasa dake kasar Switzerland, Chen Xu, ya bayyana cewa, kasar Sin tana goyon bayan Falasdinu wajen taka rawar gani a Hukumar lafiya ta duniya (WHO).

Chen ya bayyana hakan ne a jawabinsa na ranar Juma’a a yayin babban taron kiwon lafiya na duniya karo na 77 (WHA).

WHA ta amince da wani daftarin kuduri kan “daidaita shigar Falasdinu cikin hukumar ta WHO tare da shiga MDD”, bayan kuri’ar amincewa 101, 5 na nuna adawa, 21 kuma suka kaurace.

Chen ya ce, babban taron gaggawa na MDD ya amince da wani kuduri a kwanan nan da gagarumin rinjaye, inda ya amince da cancantar Falasdinu ta zama mamba a MDD. Chen ya bayyana cewa, Sin na maraba da kudurin, saboda ya yi daidai da muradin kasashen duniya.

Chen ya jaddada cewa, kasar Sin tana kallon tsarin samar da kasashe biyu a matsayin hanya daya tilo da ta dace don warware rikicin Falasdinu da Isra’ila, tare da baiwa Falasdinu damar zama cikakken mamban MDD a matsayin muhimmin mataki na cimma wannan buri. (Yahaya)

Me Ya Sa Gasar Cin Kofin Turai Ta Fi Son Yin Hadin Gwiwa Da Kamfanonin Kasar Sin

Summer Davos: An Tattauna “Sababbin Damammaki A Kasar Sin”

Sin Ta Sauke Nauyin Dake Bisa Wuya Wajen Raya Hulda Tsakanin Kasa Da Kasa

Xi Jinping: Sin Za Ta Ci Gaba Da Kasancewa Cikin Rukunin Kasashe Masu Tasowa

Kasar Sin Ta yi Kakkausan Adawa Da Yadda Amurka Ta Tilastawa Wasu Kasashe Murkushe Masana’antar Sarrafa Sassan Na’urorin Laturoni Ta Kasar

Tattalin Arzikin Kasar Sin Ya Ci Gaba Da Farfadowa Tare Da Nuna Kyakkyawar Yanayi A Watan Mayu

Rahoto: Kasar Sin Tana Kan Gaba Wajen Mallakar Lambar Kira A Duniya